Jung Sung Chan

21

University Student(2nd year)

Cool and Handsome

Shotaro Osaki

20

University Student(1st year)

Cute and kind hearted

.............................................

စည်းချက်ညီစွာထွက်ပေါ်နေတဲ့သီချင်းသံ....
ထိုသီချင်းသံနဲ့အတူပျော်ရွှင်မြူးတူးစွာကခုန်နေကြတဲ့လူအများ......ထိုင်နေရင်းနဲ့ပင်လေထဲသို့ပျံ့နှံ့လာသောvodkaအနံ့...

သူများတွေသောက်တော့မူးတာလည်းမပြောနဲ့အနံ့ရရုံနဲ့တင်မူးပြီးအန်ချင်မိသည်။ကနေတဲ့လူတွေကိုကြည့်တော့ပိုတောင်မူးလာသည်။

အေးအေးဆေးဆေးအခန်းထဲတွင်စာဖတ်တာပဲဖြစ်ဖြစ်.....ဂိမ်းဆော့တာပဲဖြစ်ဖြစ်တစ်ယောက်တည်းသီးသီးသန့်သန့်နေရတာကြိုက်တဲ့Shotaroတစ်ယောက်အတွက်တော့ဒီလိုနေရာကအရမ်းကိုစိတ်ရှုပ်စရာကောင်းလွန်းနေသည်။

သူရောက်နေသည်ကဆိုးလ်မြို့ရဲ့နာမည်ကြီးEDM barတွေထဲကတစ်ခုဖြစ်သည်။Shotaroလည်းလာချင်လွန်း၍တော့မဟုတ်။သူရဲ့ချစ်လှစွာသောသူငယ်ချင်းနှစ်ယောက်Jenoနဲ့Jaeminကအတင်းခေါ်၍သာလိုက်လာခဲ့ရခြင်းဖြစ်သည်။

ဂျပန်ကနေဆိုးလ်ကိုပြောင်းလာတာမကြာသေးတော့ဟိုနှစ်ယောက်ကသူ့ကိုရောက်ဖူးတယ်ရှိအောင်ခေါ်ခြင်းသာဖြစ်သည်။Jenoနဲ့Jaeminအတွက်ကတော့ဒီလိုနေရာတွေကသိပ်မစိမ်းပေမဲ့Shotaroလေးအတွက်ကတော့တစ်ခါမှမရောက်ဖူးသည့်နေရာမလို့ထူးဆန်းနေလေသည်။

"Shotaroမင်းကလည်းလာပြီးတော့ဒီအတိုင်းကြီးပဲထိုင်မနေနဲ့လေငါတို့နဲ့လာ က ပါလား"

"ရတယ်Jenoမင်းတို့ပဲ က ပါ"

Jenoနဲ့Jaeminကတော့စားပွဲကနေထပြီးလူအုပ်ကြီးထဲသွားကကြပေမဲ့Shotaroကတော့ထိုင်ပြီးတော့သာColaသောက်နေသည်။

မလှမ်းမကမ်းမှာတူတူကနေကြတဲ့Jenoနဲ့Jaeminကိုကြည့်ပြီးShotaroတစ်ချက်ပြုံးမိလိုက်သည်။

သူတို့နှစ်ယောက်ကချစ်သူတွေဖြစ်ကြပြီးကိုရီးယားကိုစပြောင်းလာတဲ့Shotaroလေးကိုရောက်ကတည်းကစိတ်မညစ်ရအောင်သူတို့သူငယ်ချင်းအရင်းတစ်ယောက်လိုသဘောထားကာပေါင်းပေးကြသည်။

ဒါကြောင့်လည်းShotaroတစ်ယောက်ပြောင်းလာရတာကိုပျော်နေတာပေါ့။လွတ်လွတ်လပ်လပ် က နေကြတဲ့သူတို့နှစ်ယောက်ကြည့်ပြီးသူပါ က ချင်လာသလို။

"ဟိတ်...ကောင်လေး!"

ရုတ်တစ်ရက်သူ့ကိုခေါ်လာတဲ့ဘက်ကိုလှည့်ကြည့်မိတော့ကောင်မလေးတစ်ယောက်။ပုံစံကတော့သူ့ထက်အသက်ကြီးမဲ့ပုံပင်။

"ကျွန်တော့်ကိုခေါ်တာလားဗျ"

"ဒါပေါ့.....မင်းကိုမခေါ်လို့တို့ကဘယ်သူ့ကိုခေါ်ရမှာလည်း"

အသံကိုရုံးပတီသီးနှယ်ချွဲပစ်နေအောင်ပြောလာပြီးဝတ်ထားသည့်စကပ်မှာလည်းပေါင်အထက်ရောက်ကာတိုလွန်းနေသည်။နဂိုကမှvodkaအနံ့ကြောင့်မူးနေပါတယ်ဆိုသူ့နားကရနေသည့်ရေမွှေးနံ့စူးစူးကြောင့်အန်ပါအန်ချင်သွားသည်။

"ဒါနဲ့မင်းကဒီကမဟုတ်သလိုပဲ"

"ကျွန်တော်ဂျပန်ကပြောင်းလာတာပါ"

"အော်.....မင်းတစ်ယောက်တည်းလာတာလား"

"မဟုတ်ပါဘူးသူငယ်ချင်းတွေပါတယ် သူတို့ကသွား က နေကြလို့"

Shotaroလည်းထိုကောင်မလေးနားကအမြန်ထွက်သွားချင်နေပေမဲ့လူတိုင်းအပေါ်အားနာတတ်တဲ့စိတ်ကလေးကြောင့်သူစကားပြောနေမိသည်။

"မင်းကောမ က ဘူးလားတို့နဲ့တူတူသွား က ကြမလား"

ထိုကောင်မလေးမှာပြောလည်းပြောShotaroရဲ့လက်မောင်းကိုလာကိုင်ပြီးပွတ်နေတာမလို့သူအမြန်ရုန်းလိုက်ပြီး.....

"ရပါတယ်မလိုပါဘူး.....အစ်မကျွန်တော့်ကိုလာမထိပါနဲ့"

"ဟဟ....မင်းကလည်းရှက်စရာမလိုပါဘူးကွာ"

ထိုကောင်မလေးမှာအတင့်ရဲပြီးShotaroရဲ့ပေါင်ပေါ်ကိုလာထိုင်မလိုလုပ်တာကြောင့်Shotaroအမြန်ထရပ်လိုက်ပြီး.....

"အစ်မတော်တော်လွန်လာပြီနော်.....ကျွန်တော်အစ်မလိုလူမျိုးတွေကိုစိတ်မဝင်စားဘူးကျွန်တော်သွားပြီ"

Shotaroလည်းအမြန်ထလာလိုက်သည်။မဟုတ်ရင်သူ့ပါဖက်နမ်းတော့မလားမသိ။ရည်းစားရယ်Crushရယ်လို့တစ်ခါမှမရှိဖူးခဲ့ပြီးတော့ဒီလိုအကြောင်းတွေလည်းနည်းနည်းမှစိတ်မဝင်စားတဲ့Shotaroအတွက်တော့ထိုလိုကောင်မလေးမျိုးကအတော်ရွံစရာကောင်းလွန်းနေသည်။

ဘယ်နှယ့်ယောကျ်ားလေးတစ်ယောက်ရဲ့ပေါင်ပေါ်ကိုထိုင်ဖို့လုပ်ရတယ်လို့။Shotaroလည်းစိတ်ရှုပ်လို့သာထလာလိုက်တာဘယ်သွားရမှန်းမသိ။Barရဲ့နည်းနည်းချောင်ကျတဲ့နေရာလေးကိုတွေ့မိတော့အဲ့ကိုပဲသွားလိုက်သည်။

ရောက်တော့မှပဲသက်ပြင်းလေးတစ်ချက်ကိုချမိလိုက်သည်။ဒါပေမဲ့မကြာလိုက်ပါသူနဲ့မနီးမဝေးမှလူနှစ်ယောက်ကြောင့်Shotaroစိတ်ရှုပ်ရပြန်သည်။

လူနှစ်ယောက်မှာတစ်ယောက်ယောကျ်ားလေးဖြစ်ပြီးနောက်တစ်ယောက်ကမိန်းကလေးဖြစ်သည်။နှစ်ယောက်ကချစ်သူတွေထင်ပါရဲ့။ပြီးနော့သူတို့ကချစ်သူရည်းစားတွေအချင်းချင်းမလို့ချောင်ထဲလာပြီးRoနေတာနဲ့မတူ။စကားများရန်ဖြစ်နေကြသည့်ပုံပင်။

"ပြောလေ!!!!မင်းနဲ့အဲ့ကောင်နဲ့ကဘာတွေလဲလို့!!!!!"

"သူနဲ့ကဘာမှမဟုတ်ပါဘူးသူငယ်ချင်းတွေပါပဲဆိုနေ"

"အဲ့တာဆိုဘာလို့နမ်းနေကြတာလဲ ဟမ်!!!!.....အော်.....ဘာမှပြန်မပြောနိုင်တော့ဘူးဆိုတော့....."

"အေး.....ဟုတ်တယ်ငါသူနဲ့တွဲနေတာရပြီလား....."

"ဘာလို့လဲ....ငါတစ်ယောက်လုံးရှိနေတာတောင်ဘာလို့လဲလို့!!!"

"..............."

"ကောင်းပြီလေ...ဒါဆိုနင်နဲ့ငါနဲ့ဇာတ်လမ်းကဒီမှာပြီးပြီ"

Shotaroခိုးပြီးနားထောင်နေတာတော့မဟုတ်ပေမဲ့အတိုင်းသားကြားနေရမလို့သူလည်းစိတ်ထဲကမကောင်းဖြစ်နေပြန်သည်။ဘယ်သူရာ်ဘယ်ဝါရယ်ဘာဖြစ်ကြသလဲဆိုတာတော့မသိပေမဲ့ခုလိုမျိုးကြီးလမ်းခွဲစကားပြောတော့Shotaroလည်းထိုချစ်သူနှစ်ဦးအတွက်စိတ်မကောင်းချေ။
.....................................

SungChanတစ်ယောက်ဘယ်နှစ်ခွက်မြောက်မှန်းတောင်မသိ​တော့တဲ့အထိအရက်တွေလှိမ့်သောက်နေမိသည်။Markနဲ့HaeChanတောင်တားမရ။

"မင်းကလည်းကွာတော်ပါတော့ဆိုနေ"

"မတော်နိုင်ဘူးဟျောင့်......ငါ့မှာတော့လိုလေသေးမရှိအောင်သူ့ကိုနှစ်နဲ့ချီပြီးချစ်လာတာနောက်ဆုံးတော့ငါရလိုက်တာဒါလား.......Han YuJinမင်းသိပ်ရက်စက်တယ်"

Markလည်းသက်ပြင်းသားတစ်ချက်ချမိသည်။SungChanဘယ်လောက်ထိYuJinကိုချစ်လည်းဆိုတာဘေးလူတွေဖြစ်တဲ့သူတို့တောင်သိတယ်မဟုတ်လား။

"အဲ့ဟာမကိုမင်းတစ်ချက်လော​က်ပဲဖြစ်ဖြစ်ထိုးခဲ့ရမှာ"

မနေနိုင်သည့်HaeChanမှဝင်ပြောတော့Markကပဲဝင်တားရလေသည်။

"Chaniee...ဟိုကမိန်းကလေးလေ"

"ကိုကလည်းမိန်းကလေးဆိုတိုင်းအလျော့ပေးစရာလား"

"​တော်ကြပါတော့ကွာ......မင်းတို့ကလည်း!!"

မူးမူးနှင့်ထအော်လိုက်သည့်SungChanကြောင့်MarkရောHaeChanရောပါးစပ်ပိတ်လိုက်ကြသည်။SungChanလည်းသူ့ရှေ့မှာရှိတဲ့အရက်ကိုထပ်ပြီးသောက်နေမိသည်။

SungChanဆိုသည်မှာလည်းအထက်တန်းကတည်းကပျိုတိုင်းကြိုက်နှင်းဆီခိုင်ဖြစ်လာတာတက္ကသိုလ်ရောက်တဲ့အထိပင်။ချစ်သူတစ်ခါမှမထားဖူးပေမဲ့ပထမနှစ်မှာတင်တွေ့တဲ့HanYuJinဆိုတဲ့ကောင်မလေးကိုမြင်ပြီးကြိုက်သွားသဖြင့်SungChanစပြီးပိုးပန်းခဲ့သည်။

မကြာလိုက်သူတို့ချစ်သူတွေဖြစ်သွားကြပြီးUniမှာတော်တော်နာမည်ကြီးသည့်အတွဲတွေထဲမှာတောင်ပါလာကြသည်။Yujinဆိုသည်မှာလည်းခါးထိရှည်သည့်နက်မှောင်တဲ့ဆံကေသာ.....မျက်လုံးမျက်ခုံးကောင်းကောင်းနှင့်လှပသည့်ထဲတွင်ပါသည်မို့SungChanနှင့်လည်းတော်တော်လိုက်ဖက်ပါသည်။

SungChanကလည်းသူ့ရဲ့ချစ်သူYuJinလေးကိုချစ်လွန်းလို့တစ်ခုခုမှားရင်တောင်သူကပဲအလျှော့ပေးချစ်ခဲ့သည်။ဒါပေမဲ့သူပဲအလျှော့ပေးအလိုလိုက်တာလွန်သွားလားမသိ။ဒီနေ့SungChanလည်းMarkတို့နဲ့Barမှာချိန်းထားလို့လာတုန်းYuJinကိုတစ်ခြားနောက်ကောင်တစ်ကောင်နဲ့တွဲတွေ့မိသည်။

ဒီအတိုင်းတွေ့တယ်ဆိုSungChanဘာမှမပြောပေမဲ့နမ်းတာကိုပါမြင်လိုက်တော့SungChanတစ်ယောက်ကမ္ဘာပျက်မတတ်ခံစားလိုက်ရသည်။မေးလိုက်တော့သူတို့ကတွဲနေကြသည်တဲ့လား။

အမှန်အတိုင်းပြောရလျှင်SungChanမှာYuJinကိုလက်ထပ်ဖို့အထိရည်ရွယ်ထားသည်။ဒါပေမဲ့အခုလိုမျိုးသစ္စာဖောက်ခံလိုက်ရတော့နှစ်နဲ့ချီပြီးချစ်လာခဲ့ရတဲ့သူကပဲစောက်ရူးကြီးလိုလို။

သူ့ဖက်ကပဲချစ်လွန်း၍လက်ထပ်ဖို့အထိတွေးထားကာမှဟိုကနောက်တစ်ယောက်နဲ့တောင်သာယာနေသတဲ့လား။

SungChanထပ်မတွေးချင်တော့ပါ။ဘာဆိုဘာမှခေါင်းထဲကိုရောက်မလာစေရန်အရက်ကိုပဲထပ်ခါထပ်ခါသောက်နေမိသည်။နဂိုကတည်းကသောက်နိုင်သည့်သူမလို့ဒီလောက်ထိသောက်ထားတာ​တောင်သူသတိတော့ရှိသေးသည်။

"တော်တော့SungChanပြန်ရအောင်"

"အေး......ခနငါtoiletသွားဦးမယ်"

SungChanမူးလွန်း၍အန်ချင်လို့toiletသွားချင်တာတော့မဟုတ်။ဘယ်လိုမှစိတ်ကိုထိန်းမရတာကြောင့်သူသွားငိုချင်၍သာ။

Toiletထဲရောက်တော့ကံကောင်းသည်ကဘယ်သူမှမရှိနေ။သူလည်းtoiletနံရံကိုမှီချကာဆောင်ကြောင့်ထိုင်ပြီးငိုတော့သည်။

ဘယ်လောက်ပဲရင့်မာတဲ့ယောကျ်ားတစ်ယောက်ဖြစ်ပါစေ...မျက်ရည်ဆိုတာမျိုးကလူမှမရွေးဘဲငိုချင်တဲ့အခါငိုချရမှာပဲ။

"Ting"

ငိုနေတုန်းဖုန်းမှဝင်လာသည့်notiသံကြောင့်ဖုန်းဖွင့်ကြည့်လိုက်တော့SungChanရင်ထဲအစိမ်းလိုက်ဓားနဲ့ထိုးနှက်သည့်နှယ်ပိုနာကျင်ရတော့သည်။

ရှေ့လကမှသူဆိုင်တွင်တစ်ကူးတစ်ကသွားပြီးဒီဇိုင်းရွေးထားသည့်ဆင်တူလက်စွပ်လေးကနောက်အပတ်ဆိုလာယူလို့ရပြီဖြစ်ကြောင်းဆိုင်မှမက်ဆေ့ချပို့လာခြင်းပင်ဖြစ်သည်။

ကျောင်းမပြီးသေး၍လက်မထပ်သေးဘဲအရင်မိဘများကိုဖွင့်ပြောကာစေ့စပ်ထားမည်ဟူသောစိတ်ကလေးဖြင့်လက်စွပ်ကိုသွားမှာထားခြင်းဖြစ်သည်။

ဒါပေမဲ့အခုတော့သဲထဲရေသွန်သလိုပင်။သူ့ဘက်ကပဲသဲသဲလှုပ်ခဲ့ရတာကိုပြန်တွေးမိပြီးSungChanအရူးတစ်ယောက်နှယ်အော်ငိုမိနေသည်။

ကိုယ်ထင်ထားသလိုဖြစ်မလာတဲ့အရာတွေကစိတ်ကူနဲ့ပင်တွေးကြည့်ရင်တောင်ရင်နာစရာကောင်းလွန်းနေသည်။တစ်ကယ်တမ်းဖြစ်မလာတော့နှိုင်းစရာစကားလုံးပင်ရှာမတွေ့တော့သည်အထိနာကျင်လွန်းလှပါသည်။

__________________

ဒါကတော့Mollyရဲ့နောက်ထပ်ficလေးတစ်ပုဒ်ပါ။Sungtaroလေးပေါ့။အရင်ဆုံးဒီficလေးကိုဇာတ်လမ်းမမေ့ခင်ရေးထားတာပါ။ဒါပြီးသွားရင်THEBOYZ ficလေးထပ်ရေးပါဦးမယ်နော်။အတွဲကတော့မစဥ်းစားရသေးပါဘူး။ဇာတ်လမ်းကတော်ရပါပြီ။

Thanks for reading🌸